Mustafa demantoi Gashin e LDK-së për Grenellin, reagon Tali: U hi një dreq i madh këtu! 7; 6; 5; 4 ...

Aktuale

Mustafa demantoi Gashin e LDK-së për Grenellin, reagon Tali: U hi një dreq i madh këtu! 7; 6; 5; 4 ...

Nga: A.ZH Më: 11 nëntor 2021 Në ora: 19:33
Richard Grenell, Albin Kurti; foto ilustrim nga "Bota sot"

Ish-kryetari i Lidhjes Demokratike të Kosovës Isa Mustafa, ka thënë sot se ish-emisari special amerikan për dialog Kosovë-Serbi, Richard Grenell, nuk kishte kërkuar rrëzimin e Qeverisë “Kurti 1”.

Sipas tij, Qeverinë e rrëzoi vet Kurti.

“Z. Kurti e rrëzoi vet Qeverinë me shkeljen e Marrëveshjes së koalicionit , kur e shkarkoi një ministër të LDK-së. Këtë e bëri me të vetmin qëllim për të krijuar shkas që të bie Qeveria”, ka shkruar Mustafa në Facebook, duke demantuar kështu kryetarin e Grupit Parlamentar të LDK-së Arben Gashin, i cili ditë më parë deklaroi se Grenell, i kishte dhënë LDK-së 7 ditë kohë që ta rrëzonte qeverinë “Kurti 1”.

“Ne kemi pasur në mënyrë të saktë dhe të qartë të shkruar se kemi 7 ditë për të rrëzuar qeverinë. Dhe cdo ditë ka ardhur mesazh, 7, 6, 5 nuk ka asgjë të re dhe mezi i kemi nxjerrë tri ditë të reja. E ka thënë vetë ambasadori amerikan se ata kanë bërë presion për ta rrëzuar”, ka thënë Gashi.

Për këto deklarata kundërthënëse ka komentuar Driton Tali, këshillar i kryeparlamentarit Glauk Konjufca, përcjell Bota sot.

Tali ka pyetur se kujt duhet t’i besohet tani.

“E tashti kujt m'i besu? Shefit të Grupit Parlamentar apo Kryetarit të Nderit të LDK-së?! Dhe logjikisht pastaj lind pyetja: se sa mund t'i besohet pavarësisë së kandidatit (por edhe kandidatëve tjerë) për kryetar të Prishtinës nga LDK - ortakit të haverave të Hashës?! Si është ajo "miku i miqve të mi është edhe miku im". Hajër ishalla, se u hi një dreq i madh këtu! 7; 6; 5; 4 ...”, ka shkruar Tali, në një postim në Facebook./BS

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat