Profesori Muhamet Kelmendi ka reaguar ndaj deklaratës së deputetes Blerta Deliu.
Përmes një postimi në Facebook, ai ka thënë se PDK duhet të distancohet nga deklarata e saj, përcjell Bota sot.
Kelmendi deklaratën e deputetes e ka quajtur papërgjegjësi politike dhe akt i dënueshëm.
Postimi i tij i plotë në Facebook:
PDK duhet të distancohet!
Z.Deliu nga PDK akuzoi në Kuvendin e Kosovës pjesëtarin e grupit të qytetarëve nga Kosova që u gjindën në Kumanovë, në vitin 2015, e ku u sulmuan nga forcat militare e ushtarako - policore maqedone, në "terroriste".
Natyrisht se u gjendën keq!
Pse shkuan në Kumanovë?
Por, sulmi i armatosur mbi ta, është një akt i rëndë.
Sulmit iu përgjigjen këta qytetarë të Kosovës me mbrojtje...!
Ranë shumë veta.
Shumë u kapën.
Kjo ngjarje, nëpërmjet një akuze ndaj një pjesëmarrësi, nga z. Deliu u cilësua në terroriste.
Kjo është papërgjegjësi politike dhe akt i dënueshëm.
PDK kërkohet të distancohet nga deklarata e z.Deliu në Kuvend.