Kryeprokurori: Lënda e rastit në Gllogjan nuk ka kaluar në kompetencë të Prokurorisë Speciale

Aktuale

Kryeprokurori: Lënda e rastit në Gllogjan nuk ka kaluar në kompetencë të Prokurorisë Speciale

Më: 27 nëntor 2021 Në ora: 22:25
Autobusi i sulmuar mbrëmë në Gllogjan

Kryeprokurori i Prokurorisë Speciale të Republikës së Kosovës (PSRK), Blerim Isufaj, ka deklaruar që lënda e vrasjes së trefishtë në Gllogjan, nuk ka kaluar në kompetencë nga PSRK.

 Isufaj ka thënë që është ende herët të flasin, pa u sqaruar rrethanat.

I njëjti shtoi se dje kanë dalë në vendin e ngjarjes, pasi e kanë marrë lajmin për rastin në Gllogjan, ndërsa lidhur me hetimet tha se ende nuk ka diçka të re.

“Është duke u ekzaminuar vendi i ngjarjes, nuk kemi diçka për momentin, le të dihen provat një herë”, tha Isufaj për “Betimi për Drejtësi”.

Ndryshe, Policia e Kosovës (PK), përmes raportit 24-orësh ka dhënë detaje rreth sulmit të mbrëmshëm ndaj autobusit në Gllogjan, ku mbetën të vrarë tre persona dhe një u lëndua.

Sipas policisë, i dyshuari gjendet ende në arrati, ndërsa policia po vazhdon hetimet lidhur me rastin.

Në anën tjetër,  drejtori i Përgjithshëm i Policisë, Samedin Mehmeti mbrëmë tha se ka dy-tri pista, në të cilat janë duke u zhvilluar hetimet.

Ngjarja tragjike e së premtes mbrëma ka nxitur reagime të shumta në publik, krimin e kanë dënuar rëndë edhe krerët e vendit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat