Kurti flet pas shumë kohësh për takimin me Vuçiqin, jep detaje kur do të ndodhë

Aktuale

Kurti flet pas shumë kohësh për takimin me Vuçiqin, jep detaje kur do të ndodhë

Më: 5 dhjetor 2021 Në ora: 15:20
Albin Kurti, Aleksandar Vuçiq; foto ilustrim nga "Bota sot"

Kryeministri i Kosovës Albin Kurti, në konferencën për media tha se është diskutuar një takim i mundshëm në Bruksel mes tij dhe presidentit të Serbisë Aleksandar Vuçiq, në javën e dytë të dhjetorit.

Ai tha se vlerësimin për mbajtjen e këtij takimi e japin shefi për Politikë të Jashtme dhe Siguri i Bashkimit Evropian Josep Borrell dhe emisari special për dialogun Kosovë-Serbi Miroslav Lajçak.

“Është diskutuar për një takim të mundshëm në Bruksel në javën e dytë të dhjetorit me presidentin e Serbisë. Nuk kam kurrëfar informacioni se ka kushtëzime nga ndokush veçse vlerësimi se a duhet të mbahet një takim i tillë apo jo i përket ndërmjetësuesit siç e quajnë ata veten, përkatësisht zëvendëspresidentit të Komisionit Evropian, Përfaqësuesit të Lartë për Politikë të Jashtme dhe Siguri z. Josep Borrell dhe emisari Lajçak dhe jo kushtëzimi i palës tjetër”.

Kurti foli edhe për viziten që do ta zhvillojë në fillim të vitit të ardhshëm në Shtetet e Bashkuara të Amerikës.

Ai tha se nuk do të bëhen publike takimet para se të përfundojë programi i plotë.

“Shefi i stafit i Kryeministrit Luan Dalipi është duke e përgatitur vizitën time në Shtetet e Bashkuara të Amerikës në fillim të vitit të ardhshëm. Mirëpo ne nuk do të njoftojmë per takimet e veçanta pa u bërë programi i plotë”.

commentFirst article
Sot mund të lexoni Shfletoni kopertinat