Haki Abazi u ankua te lidershipi i partisë, flet Bajqinovci

Aktuale

Haki Abazi u ankua te lidershipi i partisë, flet Bajqinovci

Më: 6 dhjetor 2021 Në ora: 23:39
Deputeti i Lëvizjes Vetëvendosje, Mefail Bajqinovci

Deputeti i Lëvizjes Vetëvendosje, Mefail Bajqinovci thotë se Haki Abazi ka qenë dhe vazhdon të jetë pjesë e kësaj partie. 

“Kolegu im Haki Abazi ka qenë në Lëvizjen Vetëvendosje dhe nuk ka dalë në asnjë moment”, tha Bajqinovci në emisionin DPT te Fidani në T7.

“Nuk ka pasur asnjë deklaratë që është jashtë Lëvizjes”, shtoi ai.

Abazi u rikthye ditën e sotme në seancën e Kuvendit të Kosovës, gati dy javë pasi kishte vendosur ta bojkotonte institucionin më të lartë ligjvënës, për disa arsye që tha se ia kishte transmetuar lidershipit të partisë.

Ish-zëvendëskryeministri, i cili më 23 nëntor mungoi në Kuvend, kishte thënë se ka një sër faktorësh që e kanë shtyrë ta bënte atë veprim.

“Të dashur qytetarë- votues, Është hera e parë që sot nuk kam marrë pjesë në seancën e Kuvendit që nga zgjedhja ime deputet në këtë përbërje. Ka një sër faktorë që më ka shtyer të bëjë këtë veprim dhe në këtë kohë. Të gjitha i kam transmetuar tek lidershipi dhe pres që të adresohen me kujdes dhe në kohë. Ju falëmnderit për mirëkuptim për mospjesmarrjen sot”, kishte shkruar Abazi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat