“Sy-untë, rrjepca, të pangishëm”/ Pozhari komenton shpenzimet mujore të Haradinajt, Mustafës e Thaçit

Aktuale

“Sy-untë, rrjepca, të pangishëm”/ Pozhari komenton shpenzimet mujore të Haradinajt, Mustafës e Thaçit

Nga: A.ZH Më: 17 janar 2022 Në ora: 09:26
Xhevdet Pozhari

Gazetari Xhevdet Pozhari, ka reaguar pas publikimit të shpenzimeve të buxhetit të shtetit nga qeveritë e deritanishme.

Ai ka krahasuar qeverinë e Albin Kurtit, e cila ka shpenzuar më së paku në muaj, për dallim nga kabineti i Ramush Haradinajt, ai i Hashim Thaçit dhe atij të Isa Mustafës, të cilat kanë shpenzuar më shumë.

Pozhari i ka quajtur ata "sy-untë, rrjepca, e të pangishëm", duke thënë se po të kishin përqindjen e votave të Kurtit, do ta qitnin edhe ndërtesën e Qeverisë në ankand, përcjell Bota sot.

Reagimi i tij në Facebook:

"Kabineti i Haradinajt" i paska kushtuar buxhetit të Kosovës, 101 mijë euro në muaj - 8.5 fish më shtrenjt se Kabineti i Kurtit;

"Kabineti Thaçi 2", 73 mijë euro në muaj - gati 6 fish ma shtrenjtë se Kabineti i Kurtit. 

"Kabineti Mustafa", 65 mijë euro në muaj - 5 fish ma shtrenjt se Kabineti i Kurtit.

Kabineti i Albin Kurtit i paska shpenzuar 10.851 euro në muaj.

Paramendoni këta të tjerët sikur t'i kishin pasur 51%, si Albin Kurti, edhe ndërtesën e Qeverisë e kishin qit në ankand.

Sy-untë, rrjepca, të pangishëm.

Image
Mesatarja mujore e shpenzimeve të qeverive

Shpenzimet buxhetore dje i bëri publike Luan Dalipi, këshilltar i kryeministrit Kurti, përmes një postimi në Facebook./Botasot

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat