Osmani: Njerëzit si Jusufi, Bardhoshi e Kadriu hyjnë në histori dhe mbeten përjetësisht aty

Aktuale

Osmani: Njerëzit si Jusufi, Bardhoshi e Kadriu hyjnë në histori dhe mbeten përjetësisht aty

Më: 17 janar 2022 Në ora: 14:27
Albin Kurti dhe Vjosa Osmani

Presidentja Vjosa Osmani pas homazheve te varrezat e Jusuf dhe Bardhosh Gërvallës, ka thënë se sot teksa kujtojnë heronjët tanë të përhershëm, Jusuf e Bardhosh Gërvallën dhe Kadri Zekën, kanë mundësinë të reflektojnë për rrugën e zorshme, të cilën e ka kaluar populli ynë deri në bërjen e shtetit.

Osmani ka shkruar në Facebook se secila kohë i ka heronjtë e vetë dhe secili popull u falet atyre.

“Sot, nderuam kujtimin për heronjët tanë të përhershëm, Jusuf e Bardhosh Gërvallën dhe Kadri Zekën. Dyzetë vjet më parë, aktiviteti patriotik i tyre u ndal dhunshëm në një atentat në Gjermani, ku të tre heronjtë tanë u vranë nga UDB-ja e Serbisë.

Jemi krenar për këtë brez heronjsh dhe përulemi para veprës së tyre. Kauza e tyre vazhdoi ndër breza dhe u kurorëzua më 17 shkurt 2008, kur Kosova u shpall Republikë e pavarur e sovrane. Sot teksa kujtojmë këta patriotë, kemi mundësinë të reflektojmë për rrugën e zorshme, të cilën e ka kaluar populli ynë deri në bërjen e shtetit. Kjo rrugë ishte e mundimshme, por edhe e lavdishme. Njerëzit si Jusufi, Bardhoshi e Kadriu njëherë hyjnë në histori në mënyrë meritore dhe mbeten përjetësisht aty. Qoftë i përjetshëm kujtimi për ta”, ka shkruar ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat