Deputeti i VV-së kërkon falje publike për deklaratën “si me lypë prej qorrit sy”

Aktuale

Deputeti i VV-së kërkon falje publike për deklaratën “si me lypë prej qorrit sy”

Më: 24 janar 2022 Në ora: 16:53
Dimal Basha

Deputeti i Vetëvendosjes Dimal Basha, ka kërkuar falje publike për deklaratën e tij të sotme, me të cilën duke kritikuar opozitën përdori një shprehje krahasuese me të verbërit.

Ai e ka pranuar se ishte gabim qasja e tij ndërsa e cilëson si ‘lëshim të momentit’.

”Sapo kuptova për reagimin ndaj një lapsusi në fjalimin tim sot.

Ka qenë lapsus lingua e momentit. Pajtoj që është absolutisht e gabueshme dhe prandaj kërkoj falje publike, edhe pse qëllimi im nuk ka qenë ofendimi ndaj askujt”, shkruan ai në sqarimin e tij.

Basha gjatë seancës tha sot se të kërkosh ide nga partitë opozitare për të dalë nga kriza e energjisë elektrike, është ‘si me i lypë qorrit sy’.

E kjo deklaratë e tij, është shoqëruar me kritika të shumta ndaj dhe pasoi dhe reagimi i tij të cilin e bëri përmes facebookut.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat