Ish-ministri i Tregtisë: Po ua tregoj një të vërtetë për Bilfingerin gjerman

Aktuale

Ish-ministri i Tregtisë: Po ua tregoj një të vërtetë për Bilfingerin gjerman

Më: 24 janar 2022 Në ora: 17:45
Ismet Mulaj

Ish-ministri i Tregtisë dhe Industrisë, Ismet Mulaj, ka thënë se ish-pushtetarët kanë refuzuar projektin e kompanisë gjermane “Bilfinger” për ndërtimin e Termocentralit “Kosova A”.

Ai ka thënë se në vitin 2014, ish-qeveritarët kanë kundërshtuar projektin e kompanisë gjermane me arsyetimin se po përgatitej projekti i Contour Global, kompanisë amerikane që kishte nënshkruar më vonë kontratë për rindërtimin e termocentralit.

Ai, ka thënë se njëri nga ish-ministrat e linjës i kishte thënë atij se “Kosova nuk ka kapacitet menaxhues për dy projekte të mëdha energjetike”.

Postimi i plotë i Ismet Mulajt:

Sa rrëna po degjohet për Bilfinger

Kujtesa nuk me ka lënë, prandaj po i kallxoj një të vertetë që e kam degjuar nga akterët kryesor politik të asak kohe sa isha edhe vet në politikë (2014):

Me Bilfinger as nuk kanë dasht me bisedu zyrtarisht sepse arsyetoheshin se tani veç e kemi projektin në zhvillim e sipër me CG nga SHBA që në fillim përkrahej nga BB e BE;
Po ashtu në kontratë të nënshkruar me CG, Kosova garantonte demokomisionimin e Kosovës A;

Bile njëri nga ministrat e linjës së asaj kohe, kur e pyeta pse nuk po e trajtoni këtë projekt, përgjigjia ishte: “Kosova nuk ka kapacitet menaxhues për dy projekte të mëdha energjetike”;

Pra, qeveritë e Kosovës që nga pas lufta janë shantazhuar nga grupe e shtete në projekte të mèdha, po ju kujtoj që gjysma e shteteve nga rajoni dhe BE kanë qënë kundër projektit të Brezovicës, natyrisht që gjenin përkrahje edhe nga ministra të Kosovës.
Një i varfëri i mbanë dy të pasur, nga populli

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat