Ministri Latifi viziton Klinikën e Infektivës dhe Pediatrisë në QKUK

Aktuale

Ministri Latifi viziton Klinikën e Infektivës dhe Pediatrisë në QKUK

Më: 24 janar 2022 Në ora: 20:06
Ministri i Shëndetësisë, Rifat Latifi

Ministri i Shëndetësisë, Rifat Latifi i shoqëruar nga zëvendësministri, Arsim Berisha dhe drejtori i SHSKUK-së, Valbon Krasniqi ka vizitur Klinikën e Infektivës dhe Klinikën e Pediatrisë në QKUK.

Latifi i falënderoi mjekët dhe infermierët për punën që po bëjnë në trajtimin e të prekurve nga COVID-19.

Përmes kësaj vizite ai gjithashtu u njoh me ecurinë e rasteve që po trajtohen aty.

Kjo është bërë e ditur në një postim të Ministrisë së Shëndetësisë në rrjetin social Facebook.

“Nga dr. Arben Vishaj, drejtoir i Infektivës u njoftua se brenda 24 orëve të fundit në këtë klinikë ka pasur shtatë raste të pranuara me COVID-19 dhe gjashtë të shëruar, derisa nga 54 pacientë sa aktualisht janë në këtë klinikë, katër prej tyre janë në mjekimin intensiv. Në Klinikën e Pediatrisë, drejtoresha Violeta Grajçevci Ukaj tha se për momentin në klinikë janë duke u trajtuar 4 fëmijë me COVID-19 dhe se personeli është I organizuar për të menaxhuar rastet”, thuhet në këtë postim.

Tutje, bëhet e ditur se Ministri Latifi tha se puna e profesionistëve shëndetësor është një shembull i përkushtimit për ta menaxhuar sa më mirë çdo rast me COVID-19 dhe bëri thirrje popullatës që të vaksinohen dhe t’i zbatojnë masat në fuqi me qëllim që punë e mantelbardhëve të lehtësohet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat