Kusari-Lila: Ka hapësirë të rishikimit të masave anti-COVID që lidhen me lëvizjen e qytetarëve

Aktuale

Kusari-Lila: Ka hapësirë të rishikimit të masave anti-COVID që lidhen me lëvizjen e qytetarëve

Më: 25 janar 2022 Në ora: 20:24
Mimoza Kusari-Lila

Shefja e Grupit Parlamentar të Lëvizjes Vetëvendosje, Mimoza Kusari-Lila ka thënë se ekziston mundësia që masat anti-COVID të rishikohen.

Kusari-Lila ka thënë vendosja e disa masave më të ashpra kufizuese për hyrje në Kosovë lidhet me përvojën e hidhur të verës së kaluar.

“Verën e kaluar pasi hapëm kufijtë pati rritje enorme të infektimeve me koronavirus”, tha ajo.

Kusari Lila thotë se Omicron nuk është shumë agresiv si varianti paraprak delta dhe sipas saj ka hapësirë për rishikim të masës që prek lirinë e lëvizjes.

“Edhe nga diskutimi që kemi pasur në Grupin Parlamentar, besoj se ka hapësirë të rishikimit të kësaj mase në veçanti, për lëvizje të lirë duke konsideruar këtu edhe rekomandimin e OBSH-së për liri të lëvizjes”.

Deputetja e LVV-së thotë se qytetarët duhet të vaksinohen në mënyrë që të mos ketë imponime tjera.

“Edhe institucionet edhe mekanizmat tjerë institucional duhet të punojnë më tepër brenda territorit të Kosovës për të kontrolluar sa janë persona e vaksinuar në mënyrë që të mos vendosen imponime tjera që vendosin të gjithë qytetarët në një kategori”, deklaroi tutje Mimoza Kusari-Lila.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat