​Dreshaj: Shkurtimi i orarit të gastronomisë i kontribuon më tepër uljes së harxhimeve të energjisë sesa menaxhimit të pandemisë

Aktuale

​Dreshaj: Shkurtimi i orarit të gastronomisë i kontribuon më tepër uljes së harxhimeve të energjisë sesa menaxhimit të pandemisë

Më: 27 janar 2022 Në ora: 12:42
Shemsedin Dreshaj

Deputeti i Aleancës për Ardhmërinë e Kosovës, Shemsedin Dreshaj deklaroi sot se Qeveria nuk duhet të ndërmarrë masa më të ashpra në parandalimin e përhapjes së COVID-19, por të veprojë me sanksione për mosrespektimin e masave standarde.

Dreshaj, në seancën ku po zhvillohet debati për situatën me pandeminë, ka thënë se vendimi i qeverisë për ndalesat në kufi për personat që nuk e kanë dozën e tretë të vaksinës nuk është i qëlluar.

Dreshaj: Kryeministër hapi kufijtë, në veçanti atë me Shqipërinë

“Shteti përmes aparateve të veta duhet të veprojë me masa sanksionuese për mos respektimin e masave standarde të parandalimit të infeksionit e jo duke i ashpërsuar me masa shtesë. Shkurtimi i orarit të gastronomisë e ora policore, më tepër i kontribuojnë uljes së harxhimeve energjetike elektrike sesa menaxhimit të pandemisë. Nuk luftohet pandemia me orë policore, por me masa shëndetësore. Shumë më i arsyeshëm është kërkimi i pasaportës vaksinave në qendra tregtare, në shkolla, në lokale të ndryshme, gjë që kjo në Kosovë nuk është bërë as nuk po bëhet. Veprimi me ndalesat kufitare me kusht pajisjen me dozë të tretë të vaksinës, më besoni nuk është i qëlluar, pasi sëmundjen e kemi brenda prandaj kryeministër hapi kufijtë e në veçanti kufirin me Shqipërinë”, ka thënë Dreshaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat