Dardan Molliqaj në protestën e së shtunës i rreshtuar në PSD, sulmoi me shuplakë një zyrtar të Policisë së Kosovës.
Mirëpo nuk është hera e parë që Molliqaj kishte bërë një veprim të parë. Pikërisht 4 vjet më parë, në janar të vitit 2015, kur Molliqaj ishte pjesë e Lëvizjes Vetëvendosje, në një protestë ku kërkohej shkarkimi i Jabllanoviҫit dhe kthimi i Trepçës në ndërmarrje publike, i kishte dhënë ultimatum policisë që të largoj rrethojat.
“Nuk lejojmë të rrethohemi sepse nuk jemi egërsira, por jemi qytetarë të Kosovës. Kemi organizuar kujdestarë për t’i mbrojtur objektet e qeverisë. I japim ultimatum policisë që për 15 minuta t’i largojnë rrethojat”, kishte thënë Molliqaj.
Që nga atëherë, ishte kërkuar largimi i Molliqajt nga Vetëvendosja, pasi vlerësohej se po mban qëndrime armiqësore ndaj Lëvizjes.