Arrestimi i Dardan Molliqajt, reagon edhe Lumir Abdixhiku – ka një thirrje për Albin Kurtin

Aktuale

Arrestimi i Dardan Molliqajt, reagon edhe Lumir Abdixhiku – ka një thirrje për Albin Kurtin

Nga: P.R Më: 1 shkurt 2022 Në ora: 21:02
Lumir Abdixhiku

Policia e Kosovës ka arrestuar sonte kreun e PSD-së, Dardan Molliqaj. E përmes një postimi në facebook, i menjëhershëm ka qenë reagimi i kryetarit të LDK-së, Lumir Abdixhiku.

Sipas tij, ky arrestim është një hakmarrje e pastër politike.

“Arrestimi i dhunshëm i Kryetarit të PSD-së Dardan Molliqaj, ka shije të një hakmarrjeje të pastër politike; prandaj ky akt, për mua dhe LDK-në është i papranushëm dhe kundër standardeve bazike të demokracisë”, ka shkruar ndër tjerash Abdixhiku.

Abdixhiku ka shkruar se organet e rëndit nuk duhet të bëhen pjesë e politikes.

“Kurti dhe Qeveria e tij nuk guxojnë të përdorin pushtetin policor për kërcënime e arrestime politike; sidomos kur për alternativë kanë ndjekjen normale e njerëzore të rrugëve procedurale sipas rregullave tashmë të njohura. I bëj ftesë organeve të rendit të ruajnë integritetin e tyre profesional e të pavarur dhe të mos bëhen pjesë e këtij teatri politik të një Qeverie paranoike”, ka shkruar në reagimin e tij lideri i LDK-së, Lumir Abdixhiku.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat