Më 2 shkurt të vitit 1990, Anton Çetta pati nisur iniciativën e faljes së gjakut.
Një gjë të tillë në ditët e sotme po e vazhdon hoxha Fatmir Latifaj, i cili tha se faljet e gjakut në xhaminë e Shipolit në Mitrovicë nuk janë të rralla.
Sipas Latifajt, një gjë e tillë kishte ndodhur një vit më parë në mes tri familjeve, ku dy vëllezër, së bashku me një mik të tyre, me mjete metalike, e goditën një person tjetër.
Pleqnari vushtrrias Ali Januzi, i cili ka pajtuar qindra gjaqe, tha se është i kënaqur që në asnjërin rast besa e dhënë nuk është thyer dhe që çdo gjë bëhet sipas kanunit.
Vetëm gjatë vitit 1990, u është dhënë fund rreth 5 mijë belave midis familjeve në Kosovë.
