Jeta Xharra jep një propozim për krizën me energji, e mbështet edhe ish-ambasadori Bosch

Aktuale

Jeta Xharra jep një propozim për krizën me energji, e mbështet edhe ish-ambasadori Bosch

Më: 3 shkurt 2022 Në ora: 16:30
Jeta Xharra

Gazetarja Jeta Xharra, ka propozuar që në Kosovë të vendosen panele solare mbi kanale të ujit, të cilat prodhojnë energji elektrike.

Duke marrë shembull rastin e Indisë, Xharra ka thënë se një projekti i tillë nuk është i pamundur në Kosovë, përcjell Bota sot.

"Panele solare që janë duke u instaluar mbi kanale të ujit në Indi. Përveç që sjellin rrymë, e pengojnë evaporimin e ujit, nuk harxhojnë tokë shtesë dhe i mbajnë panelet ftoftë. Nuk është e pamundur me u bo këto as në Kosovë, në të cilën planifikojmë vetëm qysh me zgjidh kriza energjetike kur ndodhin e nuk mendojmë 1-3-4-5 vite përpara me nis projekte të vogla, që gjenerojnë më shumë rrymë", ka shkruar Xharra në një postim në Facebook.

Kjo metodë ia ka tërhequr vëmendjen edhe ish-ambasadorit të Holandës në Kosovë Robert Bosch, i cili ka pyetur se ku mund të vendosen këto panele. 

"Interesante, por ku t'i vendosni? Më mirë për të gjitha shtëpitë me subvencione shtetërore?!", ka shkruar ai në Facebook./BS

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat