Shpenzimet marramendëse të deputetëve për derivate, flet për herë të parë kryeministri Kurti

Aktuale

Shpenzimet marramendëse të deputetëve për derivate, flet për herë të parë kryeministri Kurti

Më: 4 shkurt 2022 Në ora: 17:32
Kryeministri Albin Kurti

Kryeministri Kurti në një konferencë për media pas miratimit të masave të reja të qeverisë kundër pandemisë ka folur edhe për publikimin e listave të deputetëve që kanë shpenzuar për derivate në muajin nëntor dhe dhjetor 2021 ku prijnë deputetët e VV-së.

Kurti tha se e kupton indinjatën e qytetarëve por e konsideron të padrejtë që të piketohet vetëm ndonjë deputet.

“Shefja e GP të VV-së ka dhënë njoftim për këtë çështje duke njoftuar se deputetët tanë do të tërhiqen vullnetarisht poashtu ka kërkuar nga kryesia rishikimin e këtij vendimi për kompenzim. Unë e kuptoj se këto praktika kanë qenë nga praktikat e kaluara unë e kuptoj indinjatën e qytetarëve por e konsideroj të padrejtë piketimin e ndonjë deputeti të veçantë kur vendimi është mbi një dekadë tashmë”, tha Kurti.

Tutje ai u shpreh se qytetarët me të drejtë presin më shumë e më mirë nga deputetët e zgjedhur.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat