Në kullën e Jasharëve/ Nipi i Agim Ramadanit i ndan 138 mijë euro për Fondin e Sigurisë

Aktuale

Në kullën e Jasharëve/ Nipi i Agim Ramadanit i ndan 138 mijë euro për Fondin e Sigurisë

Nga: P.R Më: 6 mars 2022 Në ora: 12:29
Ramush Haradinaj, Rifat Jashari dhe Muhamet Ajrullahu

Ditë më parë është themeluar Fondi për Forcën e Sigurisë së Kosovës, ku tashmë në këtë fond kanë filluar që të deponohen para nga të gjithë shqiptarët, si në Kosovë, Shqipëri, Maqedoni e diasporë.

E sot, gjatë një vizitë në Kullën e Jasharëve, nipi i heroit Agim Ramadani, Muhamet Ajrullahu, ka vendosur që të jap 138 mijë euro donacion për Fondin e Sigurisë.

Këtë e ka bërë të ditur përmes një postimi në facebook kryetari i AAK-së, Ramush Haradinaj.

“Pikërisht në ditët e Epopesë së UÇK-së, ditë kujtimi e reflektimi, Fondit të Sigurisë, do t'i shtohen 138 mijë euro, në nder të Brigadës 138 të ZO të Dukagjinit, donacion nga Muhamet Ajrullahu, nipi i heroit Agim Ramadani. Ky është shembull për t'u ndjekur nga të gjithë. Të dashur bashkëkombas, kudo që jetoni, në Kosovë dhe diasporë, vazhdoni kontributin tuaj për Fondin e Sigurisë, sepse kjo është mënyra me e mirë e më fisnike sot, për ta ndihmuar Atdheun dhe siguruar të ardhmen e fëmijëve të tij”, ka shkruar lideri i AAK-së, Ramush Haradinaj, përcjellë “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat