NATO mban samit të jashtëzakonshëm në përvjetorin e 23-të të ndërhyrjes në Kosovë, merr pjesë edhe Biden

Aktuale

NATO mban samit të jashtëzakonshëm në përvjetorin e 23-të të ndërhyrjes në Kosovë, merr pjesë edhe Biden

Më: 16 mars 2022 Në ora: 23:33
Joe Biden

Do të udhëtojë në Bruksel për “samitin e jashtëzakonshëm të NATO-s”, këtë muaj presidenti i SHBA-së, Joe Biden, thuhet në njoftimin nga Shtëpia e Bardhë.

Ky takim do të mbahet më 24 mars, i cili ka të bëjë me përvjetorin e 23-të të ndërhyrjes së NATO-s në Kosovë, në kohën kur aleanca veriatlantike nisi sulmet ajrore mbi forcat serbe në Kosovë dhe Serbi.

Në samitin e thirrur nga Sekretari i Përgjithshëm i NATO-s, Jens Stoltenberg, Biden do të “diskutojë përpjekjet e vazhdueshme për parandalimin dhe mbrojtjen në përgjigje të sulmit të pajustifikuar të Rusisë ndaj Ukrainës, si dhe për të riafirmuar angazhimin e hekurt ndaj aleatëve tanë të NATO-s”, njoftoi sekretari i shtypit të Shtëpisë së Bardhë.

Më 24-25 mars, presidenti amerikan do të marrë pjesë edhe në samitin e Këshillit Evropian.

Në këtë takim do të përfshihet diskutimi për sanksionet ekonomike ndaj Rusisë, si dhe ofrimin e mbështetjes humanitare për viktimat e luftës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat