​Krasniqi: Qeveria të reflektojë përballë kritikave të Departamentit Amerikan të Shtetit

Aktuale

​Krasniqi: Qeveria të reflektojë përballë kritikave të Departamentit Amerikan të Shtetit

Më: 13 prill 2022 Në ora: 19:30
Memli Krasniqi

Kryetari i PDK-së Memli Krasniqi ka reaguar pas publikimit të raportit për të drejtat e njeriut në Kosovë nga ana e Departamentit Amerikan të Shtetit.

Ai në një postim në Facebook ka shkruar, se përveç se raporti ka evidentuar shumë dimensione të qeverisjes së paaftë, të cilat i ka thënë vazhdimisht edhe opozita, ka nxjerrë në pah përkeqësimin e një prej shtyllave qendrore të demokracisë, lirisë së shprehjes dhe mediave.

“Në qendër të këtij vlerësimi për vështirësitë e mediave dhe gazetarëve për të raportuar drejt, hapur dhe në mënyrë të pavarur, raporti ka përmendur pengesat, mungesën e transparencës dhe kërcënimeve, protagonistët e të cilave kryesisht janë vetë njerëzit e pushtetit”, ka shkruar Krasniqi.

Për më tepër, Kransiqi thotë se mendësia e kërcënimit të mediave nga qeveritarët, nuk ka të bëjë me traditën tonë politike dhe si e tillë është e papranueshme për një shoqëri të lirë e demokratike.

“Duke mbështetur pa asnjë rezervë punën e lirë të gazetarëve, ne ftojmë qeverinë të reflektojë përballë kritikave të Departamentit Amerikan të Shtetit, si dhe të jep shembullin e respektimit të lirisë së medias e të ndalojë kërcënimin ndaj tyre. Ky është një prej obligimeve themelore që do të duhej ti kishte një qeveri demokratike”, përfundon Krasniqi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat