U raportua pak më parë për një ngjarje tragjike që ka ndodhur sot në orët e pasdites, në fshatin Radashevc të Prishtinës.
I riu që i dha fund jetës së tij është 38-vjeçari, Bajram Ferati.
I ndjeri para se t’i jap fund jetës së tij e njoftoi bashkëshorten përmes telefonit, duke i thënë se do ta vras veten.
Me të marrë këtë mesazh, e njëjta e ka telefonuar Policinë për t’i njoftuar për mesazhin që ka marrë dhe ka kërkuar nga të njëjti të shkojnë në këtë fshat, ku kishin qëndruar bashkë me burrin e saj gjatë pandemisë.
Policia ka arritur në vendin e ngjarjes, por fatkeqësisht vonë. I riu u gjet i shtrirë në tokë, me një plagë në kokë dhe shenja të gjakut, derisa në afërsi të tij është gjetur një armë e shkurt dhe një gëzhojë.
Vdekjen e viktimës e ka konfirmuar ekipi i mjekëve, ndërkohë që trupi i pajetë është dërguar në IML për obduksion.
