Vëllai i deputetit të vrarë të LDK-së reagon ndaj Hysenit, Ibishit dhe Borovcit: Komandantët e tyre akuzohen për...

Aktuale

Vëllai i deputetit të vrarë të LDK-së reagon ndaj Hysenit, Ibishit dhe Borovcit: Komandantët e tyre akuzohen për...

Nga: P.R Më: 25 prill 2022 Në ora: 20:27
Foto e postuar nga Fazli Hajdaraj / Hazir Borovci, Nuredin Ibishi dhe Skënder Hyseni

Ish deputeti i LDK-së, Nuredin Ibishi dhe kryetari i degës së tretë të LDK-së, Hazir Borovci i kanë dalë në mbrojtje Salih Mustafës, i cili po akuzohet nga Gjykata Speciale edhe për vrasjen e anëtarëve të LDK-së.

Të dy këta ishin dëshmitar mbrojtjes të komandant Calit, në gjykimin në Hagë.

E Ibishit dhe Borovcit, i është bashkuar edhe ish Ministri i Jashtëm nga LDK-së, Skënder Hyseni.

Hyseni është shprehur se po ta dinte që Gjykata Speciale do të rrëshqiste deri këtu, atëherë ai nuk do ta votonte për 1 mijë vjet.

E ndaj tre anëtarëve të LDK-së, ka reaguar Fazli Hajdaraj, vëllai i Smajl Hajdarajt, ish-deputetit të LDK-së, i cili u vra pas lufte.

“Korit të “burrave” brenda LDK-së, Hazir Borovcit dhe Nuredin Ibishit ju bashkua edhe Skënder Hyseni! Më vije keq që të mjerët po vuajnë shumë për Komandantët e tyre të cilët akuzohen për ndërmarrje kriminale në Gjykatën Speciale, prandaj po mundohen më mish e shpirt t’i shpëtojnë duke u bërë dëshmitar, por edhe si pendues pse e votuan formimin e saj në Kuvendin e Kosovës!!!”, ka shkruar ndër tjerash Hajdaraj, përcjellë “Bota sot”.

“Për sa kohë LDK-ja do i mbajë brenda, e ardhmja e saj do jetë e keqe. Kryetari i LDK-së zotëri Abdixhiku dhe Kryesia duhet të veprojnë sa më parë!”, shkruan në reagimin e tij Fazli Hajdaraj, vëllai i Smajl Hajdarajt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat