E kritikoi, ministri Peci e fton deputetin e LVV-së që t’ia shpalosë analizën për bujqësi

Aktuale

E kritikoi, ministri Peci e fton deputetin e LVV-së që t’ia shpalosë analizën për bujqësi

Më: 26 prill 2022 Në ora: 00:05
Ministri i Bujqësisë, Faton Peci

Ministri i Bujqësisë, Faton Peci, është përgjigjur për kritikat që mori nga deputeti i VV-së, Fatmir Humolli lidhur me zhvillimin e bujqësisë. 

Peci ka thënë në emisionin DPT te Fidani në T7 se nuk e kuptuar atë që Humolli ka dashur të thotë, por e ftuar në takim që t’ia prezantojë atij analizën që e ka bërë ai. 

“Po e kam dëgjuar. Cdo kritikë është e mirëseardhur për sa kohë është konstruktive. Unë mendoj se kemi qëllime të përbashkëta për zhvillim të bujqësisë. Por nuk e kam kuptuar se çfarë donte të thoshte ai me krijimin e 1 mijë fshatrave prodhuese. Nëse ka ndonjë analizë ekonomike që ai e ka bërë le të vijë e të ma prezantojë”, tha ai. 

Tutje ai shtoi se nuk ka përçarje mes VV dhe Listës Guxo në koalicionin qeverisës. 

“Jo. Humolli nëse e dini vet kishte ardhur nga AAK, por kjo nuk do të thtoë se fjala e tij vlen më pak. Përkundrazi. Kemi një koalicion shumë të fortë dhe besoj se deklarata e tij u bë më e madhe se sa që është.”, shtoi ai. 

Peci po ashtu foli për krijimin e një grupi parlamentar të Listës Guxo, ku ai tha se kjo do të ndodhte vetëm me mirëkuptim me Lëvizjen Vetëvendosje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat