Opozita vazhdon të bojkotojë punët e Kuvendit, s’marrin pjesë në mbledhjen e Kryesisë

Aktuale

Opozita vazhdon të bojkotojë punët e Kuvendit, s’marrin pjesë në mbledhjen e Kryesisë

Më: 29 prill 2022 Në ora: 14:33
Ilustrim

Partitë opozitare po vazhdojnë t’i bojkotojnë punët e Kuvendit të Republikës së Kosovës për shkak të bllokimit për themelimin e Komisionit Hetimor për Energjinë, të inicuar nga Partia Demokratike e Kosovës .

Njëjtë ndodhi edhe në mbledhjen e sotme të Kryesisë së Kuvendit, ku nuk morën pjesë përfaqësuesit e opozitës.

Në mbledhjen e sotme në rend dite janë pikat e papërfunduara nga disa seanca plenare si dhe përgatitjet për seancë plenare të re të radhës.

Në këtë mbledhje është shqyrtuar edhe kërkesa e nënshkruar nga 41 deputetë të Vetëvendosjes për formimin e komisionit hetimor për vendimmarrje në sektorin e energjisë. Me kërkesë të shefes së këtij grupi të VV-së, është shtyrë për një seancë tjetër, derisa të arrihet një dakordim me partitë opozitare.

Shefja e grupit parlamentar të Lëvizjes Vetëvendosje, Mimoza Kusari-Lila, ka thënë pas mbledhjes se është vendosur që seanca e re të mbahet më 5 maj, në ora 10:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat