Punëtorët e KEDS në grevë nga 11 maji: Na u ofruan vetëm nga 30 euro rritje rroge

Aktuale

Punëtorët e KEDS në grevë nga 11 maji: Na u ofruan vetëm nga 30 euro rritje rroge

Më: 29 prill 2022 Në ora: 16:45
Foto ilustrim

Federata e Sindikatave të Pavarura Elektrokosova (FSPE), ka paralajmëruar nisjen e grevës nga 11 maji.

Ahmet Hyseni, kryetar i kësaj federate ka thënë se te vendimi për grevë kanë ardhur pas bisedimeve që kanë pasur me menaxhmentin e kompanisë, të cilat nuk kanë qenë të frytshme.

“Ka një vit që e kemi përmend rritjen e rrogave. Në kohën e COVID-19 nuk kemi dashur të bëjmë presion. Më vonë ishte kriza energjetike dhe na është kërkuar afati deri më 31 mars. Pas takimi të fundit me menaxhmentin na është ofruar rritje rroge prej 30 euro, për çfarë për punëtorët është e papranueshme”, është shprehur Hyseni.

Hyseni ka njoftuar se në ditën e parë greva do të jetë njëorëshe ndërkaq dita ditës do të shtohet periudha kohore e të mbajturit grevë.

“Në ditën e dytë do të jetë dyorëshe, në të tretën treorëshe, dhe pastaj do t’i thërrasim të gjitha distriktet për të ardhë në Prishtinë. Më pastaj do të shkojmë me grevë të përgjithshme”.

Rritja e rrogës është kërkesa e vetme e punëtorëve të KEDS&KESCO, sipas Hysenit, i cili ka theksuar se veprimet e tyre janë në përputhje me ligjin për greva.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat