​Ngritet aktakuzë ndaj dy zyrtarëve të ANP-së për keqpërdorim detyre

Aktuale

​Ngritet aktakuzë ndaj dy zyrtarëve të ANP-së për keqpërdorim detyre

Më: 11 maj 2022 Në ora: 17:47
Foto ilustrim

Prokuroria Speciale e Kosovës ka ngritur sot aktakuzë në Gjykatën Themelore në Prishtinë ndaj B.N. dhe D.M., zyrtarë të Aeroportit të Prishtinës, nën dyshimet se kanë kryer veprën penale keqpërdorimi i pozitës apo autoritetit zyrtar.

Të dyshuarit gjatë periudhës shtator 2011-gusht 2018, në cilësinë e personave zyrtarë në Aeroportin Ndërkombëtar të Prishtinës (ANP), më pas Agjencia e Shërbimeve të Navigacionit Ajror (AShNA), kanë keqpërdorur detyrën zyrtare duke i mundësuar OE “TCN” nga Tirana përfitim të kundërligjshëm.

Me këto veprime të pandehurit kanë kryer veprën penale keqpërdorimi i pozitës apo autoritetit zyrtar sipas Kodit Penal të Kosovës, thuhet në komunikatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat