Vjosa Osmani për Ukshin Hotin: Liria do të ketë kuptim vetëm kur të zbardhet fati i tij

Aktuale

Vjosa Osmani për Ukshin Hotin: Liria do të ketë kuptim vetëm kur të zbardhet fati i tij

Më: 16 maj 2022 Në ora: 09:18
Ukshin Hoti

Presidentja e Kosovës Vjosa Osmani, e ka përkujtuar intelektualin Ukshin Hoti, në 23-vjetorin e zhdukjes.

Osmani tha se liria do të ketë kuptim vetëm kur fati i tij dhe i të zhdukurve të tjerë me dhunë të zbardhet krahas me vendosjen e drejtësisë.

“Janë 23 vjet pritjeje e ankthi për njeriun që mendimin politik e sinkronizoi me aktivizmin politik për lirinë, republikën dhe demokracinë. Republika, liria dhe demokracia u bënë, porse fati i mendimtarit mbetet peng ende. Ai i qëndroi besnik idesë së Republikës, e liria do të ketë kuptim vetëm kur fati i tij dhe i të zhdukurve me dhunë të tjerë, të zbardhet krahas me vendosjen e drejtësisë” – tha ajo.

Më 16 maj të vitit 1999, ai u lirua nga Burgu i Dubravës dhe nga ajo ditë nuk dihet asgjë më për fatin e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat