Albana Bytyqi mirëpret vendimin për tarifat e shtrenjta të rrymës, kërkon që qytetarët të kompensohen

Aktuale

Albana Bytyqi mirëpret vendimin për tarifat e shtrenjta të rrymës, kërkon që qytetarët të kompensohen

Më: 18 maj 2022 Në ora: 17:46
Albana Bytyqi

Deputetja e Aleancës për Ardhmërinë e Kosovës, Albana Bytyqi e ka mirëpritur vendimin e Gjykatës së Apelit që vërtetoi vendimin e Themelores për bllokimin e tarifave të shtrenjta të energjisë elektrike të vendosura nga Zyra e Rregullatorit të Energjisë.

Përmes një postimi në Facebook, Bytyqi e cilësoi këtrë vendim si “lajm të mirë”, teksa u shpreh optimiste se qytetarët do të kompensohen pasi që kanë paguar energjinë elektrike me tarifat larta, shkruan teve1.info.

“Lajm shumë i mirë vendimi i Gjykatës së Apelit për anulimin e tarifave të shtrenjta të energjisë elektrike, që dëmtoi financiarisht shumë familje. Ne si Aleancë e kemi kundërshtuar fuqishëm rritjen e energjisë dhe shpresojmë që ngarkesa financiare që iu bë qytetarëve tanë nga çmimet e pa përballueshme t’ju kompenzohet sa më shpejtë!”, shkroi ajo.

Ndryshe, Gjykata e Apelit ka vërtetuar sot vendimin e Gjykatës Themelore në Prishtinë për bllokimin e tarifave të shtrenjta të energjisë elektrike të vendosura nga Zyra e Rregullatorit për Energji, duke refuzuar kështu ankesën e këtij institucioni si të pabazuar.

I gjithë procesi në Gjykatë nisi pas padisë së ngritur nga Partia Demokratike e Kosovës, me arsyetimin se shtrenjtimi i rrymës dëmton qytetarët e vendit.

Kështu, më 9 prill, Gjykata mori vendim për pezullim, por pavarësisht kësaj, qytetarët e Kosovës edhe në muajin prill janë faturuar me çmime të rritura.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat