Takoi dy ish-drejtuesit e OVL UÇK-së pas dënimit nga Specialja, flet djali i Hysni Gucatit

Aktuale

Takoi dy ish-drejtuesit e OVL UÇK-së pas dënimit nga Specialja, flet djali i Hysni Gucatit

Më: 18 maj 2022 Në ora: 22:11
Djali i Hysni Gucatit, Musli Gucati

Dhomat e Specializuara i kanë shpallur fajtor ish-udhëheqësit e OVL e UÇK-së, Hysni Gucatin dhe Nasim Haradinajn.

Gucati dhe Haradinaj janë shpallur fajtorë për publikimin e dokumenteve të Speciales.

Ata u dënuan me nga katër vjet e gjysmë burgim, dhe dënim me gjobë prej 100 eurove. Në dënim do t’u llogaritet edhe koha e kaluar në paraburgim nga shtatori i vitit 2020.

Djali i Hysni Gucatit, Musliu, i cili ishte i pranishëm në sallën e gjyqit ka treguar në “Debat Plus” për reagimin e Gucatit e Haradinajt pas vendit.

“Kam pasur komunikim me prindin dhe zotin Haradinaj pas vendimit të gjykatës. Jam takuar me ata në dhomat e paraburgimit dhe njëjtë siç kanë buzëqeshur kur është shpallë vendimi ishin edhe në qendrën e paraburgimit. Ata janë optimist se në shkallën e  Apelit do të anulohet apo zbutet vendimi”.

Megjithatë djali i Hysni Gucatit thotë se dy ish-drejtuesit e OVL UÇK-së nuk janë befasuar nga vendimi.

“Nga ajo çfarë kam biseduar më të dytë, ata kanë pritur një vendim të tillë edhe për shkak të stërzgjatjes së procesit dhe duke parë qasjen e gjykatës dhe hapësirën që ka pasur Prokuroria për të vepruar kundër tyre”.

Ai thotë se dy ish-drejtuesit e OVL UÇK-së janë mirë por sipas tij gjendjen po ua rëndon pamundësia për t’u takuar me familjarët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat