Qeriqi: Vendimi i Gjykatës Speciale është politik dhe me skenar të caktuar

Aktuale

Qeriqi: Vendimi i Gjykatës Speciale është politik dhe me skenar të caktuar

Më: 18 maj 2022 Në ora: 23:05
Xhevdet Qeriqi

Kryetari i Shoqatës së Invalidëve të luftës së UÇK-së, Xhevdet Qeriqi tha se vendimi i Gjykatës Speciale ndaj Hysni Gucatit e Nasim Haradinaj është vendim politik dhe me skenar të caktuar.

Qeriqi për Tëvë1 tha se ka pritur të veprohet me drejtësi dhe të ketë lirim për Gucatin e Haradinaj, pasi sipas Qeriqit, asnjëri nga ish-krerët e Organizatës së Veteranëve të Luftës së Ushtrisë Çlirimtare të Kosovës nuk ka bërë vepër penale.

“Nuk e kam pritur një vendim të tillë. Kam pritur që sot do të marrin një vendim lirues apo një vendim me kusht, ata nuk kanë bërë skandale, në këtë rast Gucati e Haradinaj. Nuk është hetuar së kush kanë qenë ata persona që e kanë shkaktuar këtë skandal (nxjerrjen e dosjeve të Gjykatës Speciale), pra nuk ka bërë hetim as prokuroria se cili ka qenë qëllimi i këtij skandali. Pra, me vendimin e fundit të gjykatës të bën të besosh se ky vendim është krejtësisht politik, ka qenë një skenar i caktuar dhe i përgatitur mirë duke e realizuar deri në fund”, tha Qeriqi.

Teksa shtoi tutje se gjykata ka marrë këtë vendim pa u hetuar rasti siç duhet dhe nga fillimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat