Qeriqi: Serbia dhe Rusia po përpiqen ta njollosin luftën e pastër të UÇK-së

Aktuale

Qeriqi: Serbia dhe Rusia po përpiqen ta njollosin luftën e pastër të UÇK-së

Më: 18 maj 2022 Në ora: 23:46
Xhevdet Qeriqi

Serbia dhe Rusia po përpiqen që përmes Gjykatës Speciale ta njollosin luftën e pastër të Ushtrisë Çlirimtare të Kosovës, tha kështu kryetari i Shoqatës së Invalidëve të luftës së UÇK-së, Xhevdet Qeriqi.

Qeriqi tha se zgjerimi i aktakuzës ndaj Thaçit, Veselit, Krasniqit e Selimit është përpjekje e Prokurorisë vetëm për ta zgjatur procesin e gjykimit. Pasi sipas tij, brenda këtyre akuzave nuk ka asgjë të vërtetë.

“Zgjerimi i aktakuzës ndaj Thaçit, Veselit e Krasniqit, është përpjekje e radhës e kësaj prokurorie vetëm për ta zgjatur procesin e gjykimit. Ekzistojnë deklaratat tona kur e kemi kundërshtuar raportin e Dick Martit dhe ajo është vërtetuar se nuk ka pasur asgjë të vërtetë. Kështu që jemi të bindur se as në këtë aktakuzë që i rëndon krerët e UÇK-së, nuk ka asgjë të vërtetë, është një aktakuzë politike dhe përpjekje e Serbisë, Rusisë që përmes Gjykatës Speciale ta njollosin luftën e pastër të Ushtrisë Çlirimtare të Kosovës”, tha Qeriqi.

Më 29 prill, Zyra e Prokurorit të Specializuar (ZPS) ka dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku prokuroria ka pretenduar se katër të akuzuarit kanë kryer krime lufte edhe në Gjilan, Budakovë e Seminishtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat