​Dugolli: Kosova ka shtuar komunikimin me aleatët për rritjen e kapaciteteve të mbrojtjes

Aktuale

​Dugolli: Kosova ka shtuar komunikimin me aleatët për rritjen e kapaciteteve të mbrojtjes

Më: 19 maj 2022 Në ora: 15:39
Enver Dugolli

Deputeti i Lëvizjes Vetëvendosje, Enver Dugolli ka deklaruar se institucionet e Kosovës kanë shtuar komunikimin me aleatët në drejtim të rritjes së kapaciteteve mbrojtëse dhe reaguese.

Në seancën e Kuvendit, Dugolli tha pjesëmarrja e FSK-së në operacionin ‘Defender Europe’ dëshmon përkushtimin në rrugën euro-atlantike të Kosovës.

Dugolli: Kosova ka rritur shkallën e sigurisë dhe mbrojtjes

Republika e Kosovës ka rritur shkallën e vigjilencës, sigurisë dhe mbrojtjes dhe ka shtuar komunikimin me aleatët në drejtim të rritjes së kapaciteteve mbrojtjes dhe reaguese. Pjesëmarrja e Kosovës në operacionet ‘Defender Europe 21’ me një kontingjent të forcave prej 330 pjesëtarëve dhe të ardhmen ‘Defender Europe 23’ me një kontingjent të forcave prej 1000 pjesëtarëve dëshmon përkushtimin tonë për rrugën euroatlantike dhe miqësisë me ShBA, BE dhe NATO-në”, tha ai.

Ai u shpreh i shqetësuar edhe me armatosjen e Serbisë, pas agresionit rus në Ukrainë.

Dugolli: Serbia s’po armatoset për të luftuar me Rusinë, por kundër fqinjëve të saj

“Serbia nuk po armatoset për të luftuar me Rusinë dhe as me Kinën sepse ka miqësi të dëshmuar me ta, por po armatoset kundër fqinjëve të saj, me theks të veçantë kundër Kosovës të cilën nuk e njeh”, përfundoi deputeti Dugolli.

commentFirst article
Sot mund të lexoni Shfletoni kopertinat