Abdixhiku-Qeverisë: Shkarkojeni Bordin e ZRrE-së, ktheni paratë, mbani përgjegjësi

Aktuale

Abdixhiku-Qeverisë: Shkarkojeni Bordin e ZRrE-së, ktheni paratë, mbani përgjegjësi

Më: 21 maj 2022 Në ora: 12:01
Lumir Abdixhiku

Kryetari i Lidhjes Demokratike të Kosovës, Lumir Abdixhiku ka shkruar edhe njëherë lidhur me faturat e energjisë elektrike dhe për vendimin e fundit të Gjykatës së Apelit.

Përmes, një postimi në profilin e tij në Facebook, Abdixhiku ka thënë se derisa tarifat janë kthyer dhe do të llogaritën si më parë, duhet të kthehen edhe paratë e plaçkitua kundërligjshëm për disa muaj rresht.

Abdxihiku ka thënë se si pasojë e kësaj bordi i ZRrE-së, duhet të shkarkohet dhe nga e hëna LDK-ja, do të nisë të gjitha procedurat e nevojshme parlamentare në këtë drejtim.

Postimi i tij i plotë:

Të dashur qytetarë,

Nga sot, fatura tuaja elektrike do të llogariten pa shtrenjtim. Por, nga shkurti e deri më sot, qeveria e paaftë e Kosovës ju ka detyruar të paguani kundërligjshëm rrymën me rritje deri në 100%.

Tarifat u detyruan t’i kthejnë. Tani duhet kthyer edhe paratë e plaçkitura kundërligjshëm për disa muaj rresht. Janë para tuaja; u janë marrë pa të drejtë. Dhe jo vetëm kaq. Bordi i Qeverisë e ZRRE-së, i njëjti që për muaj rresht e në mes të dimrit, ngarkoi familjet kosovare me çmime astronomike në energji – duhet të shkarkohet menjëherë. Ata s’kanë më asnjë kredibilitet.

Nga e hëna, LDK do të nisë të gjitha procedurat e nevojshme parlamentare në këtë drejtim. Kuvendi i Kosovës ka për detyrim sanksionimin e paligjshmërisë.

Shkarkimi është i paalternativë. Siç është e paalternativë dhe përgjegjësia morale e secilit deputet, ministër e vet kryeministrit që me bindje plot mbronin këtë vendim plaçke e diskriminimi që tani më ka marrë vulën e turpit e paligjshmërisë.

Ktheni paratë; shkarkojeni Bordin; mbani përgjegjësi!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat