Aksioni “Gropa”: Prokuroria e Ferizajt në aksion, ndalohen 10 persona

Aktuale

Aksioni “Gropa”: Prokuroria e Ferizajt në aksion, ndalohen 10 persona

Më: 23 maj 2022 Në ora: 12:53
Foto ilustrim

Prokuroria Themelore në Ferizaj, Departamenti i Krimeve të Rënda, pas një pune të gjatë hetimore, me urdhër të saj dhe në koordinim të plotë me Policinë e Kosovës, sot kanë realizuar aksionin “Gropa”, ku janë kontrolluar dhe bastisur disa lokacione të ndryshme në Ferizaj.

Në një komunikatë për media nga Prokuroria, u tha se janë sekuestruar rreth 70 kg heroinë dhe disa pajisje për përpunimin e saj.

Lidhur me rastin janë arrestuar dhjetë persona, nën dyshimin se të njëjtit kanë kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

“Lidhur me këtë aksion, Prokuroria Themelore në Ferizaj, do t’iu mbaj të informuar me kohë për të gjitha zhvillimet e tjera”, thuhet në njoftimin e Prokurorisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat