Ministrja austriake për Evropë: Është koha që Kosovës përfundimisht t’i hiqen vizat

Aktuale

Ministrja austriake për Evropë: Është koha që Kosovës përfundimisht t’i hiqen vizat

Më: 24 maj 2022 Në ora: 14:22
Foto nga takimi

Ministrja e Punëve të Jashtme dhe Diasporës, Donika Gërvalla është duke qëndruar për vizitë në Austri.

Së fundmi ajo është takuar me ministren austriake për Evropë dhe Kushtetutë, Karoline Edtstadler.

Kjo e fundit gjatë takimit u shpreh se dialogu Kosovë-Serbi është kurcial jo vetëm për stabilitetin në rajon, por gjithashtu edhe për perspektivën evropiane të Ballkanit Perëndimor.

“Shkëmbime të shkëlqyera me zëvendëskryeministren e Republikës së Kosovës, Donika Gërvalla. Dialogu Prishtinë-Beograd është kurcial jo vetëm për stabilitetin në rajon, por gjithashtu edhe për perspektivën evropiane të Ballkanit Perëndimor”, ka shkruar Edtstadler në Twtter.

Ajo më tej ka theksuar se shpreson për një progres të shpjet në çështjet me rëndësi praktike për qytetarët në të dy shtetet në mënyrë që të ndërtohet besimi i ndërsjellë.

Edtstadler ka folur edhe për çështjen e liberalizimit të vizave ku tha se Kosova është vendi i fundit i Ballkanit Perëndimor që përballet me regjim të vizave.

“Kosova ka përmbushur të gjitha 95 kriteret për liberalizimin e vizave dhe Parlamenti i BE-së është shprehur vazhdimisht në favor të liberalizimit të vizave. Është koha që përfundimisht të realizohet liberalizimi i vizave për Kosovën”, shkroi ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat