Sulmi në Teksas, Osmani: Ndajmë dhimbjen me popullin amerikan

Aktuale

Sulmi në Teksas, Osmani: Ndajmë dhimbjen me popullin amerikan

Më: 25 maj 2022 Në ora: 09:30
Vjosa Osmani

Të paktën 19 nxënës dhe 2 të rritur u vranë të martën nga të shtënat masive në shkollën fillore Robb në Uvalde, Teksas, nga një person i armatosur 18-vjeçar, i cili më pas u qëllua për vdekje nga policia.

Lidhur me këtë ngjarje ka reaguar presidentja e Kosovës, Vjosa Osmani.

Osmani përmes një postimi në Twitter ka shkruar se lutjet tona janë me familjet e nxënësve dhe të rriturve të cilët humbën jetën.

“E shkatërruar nga lajmi për të shtënat në një shkollë në Teksas. Lutjet tona janë me familjet e fëmijëve dhe të rriturve, jetët e të cilëve iu dhanë fund padrejtësisht. Ne ndajmë dhimbjen e popullit amerikan dhe pikëllimin me miqtë tanë në këtë kohë”, ka shkruar Osmani.

Guvernatori i Teksasit, Greg Abbott tha se i dyshuari 18-vjeçar kishte ndjekur shkollën e mesme Uvalde.

Të shtënat ishin më vdekjeprurësit në një shkollë fillore që nga masakra e Sandy Hook e vitit 2012 në Konektikat që la të vdekur 26 persona, përfshirë 20 fëmijë midis 6 dhe 7 vjeç.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat