​Qeveria ndan mjetet për ekzekutimin e 100 eurove për sektorin privat

Aktuale

​Qeveria ndan mjetet për ekzekutimin e 100 eurove për sektorin privat

Më: 25 maj 2022 Në ora: 16:55
Foto ilustrim

Qeveria e Kosovës sot me propozimin e Ministrisë së Financave, ka emëruar kryeinspektor të Inspektoratit të Punës në Kosovë Hekuran Nikçi me mandat katër vjeçar.

Kryeinspektori i emëruar sipas këtij vendimi do të kryejë detyrat dhe funksionet e përcaktuara me Ligjin për inspektoratin e punës.

Pas shqyrtimit të kërkesës së Ministrisë së Financave, është miratuar vendimi për ndarjen e mjeteve buxhetore për zbatimin e Pakos së Ringjalljes Ekonomike për masën 3.6 - Mbështetja e likuiditetit familjar dhe masën 4.4 - Mbështetja e sigurisë.

Sipas vendimit janë ndarë 35 milionë euro për zbatimin e masave për shtimin e mbështetjes për qytetarët e Kosovës dhe 35 mijë euro për mbështetjen e Ministrisë së Mbrojtjes në kuadër të masës për mbështetjen e sigurisë.

Në këtë mbledhje elektronike po ashtu janë miratuar në parim kërkesat e ndërmarrjeve publike për huamarrje deri në 34 milionë e 275 mijë euro. Për KOSTT është aprovuar vlera e huamarrjes deri në 26 milionë e 500 mijë euro, ndërsa për Telekomin 7 milionë e 775 mijë euro. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat