Presidentja Osmani pranoi letrat kredenciale nga ambasadorja e Maltës, Juliana Scerri Ferrante

Aktuale

Presidentja Osmani pranoi letrat kredenciale nga ambasadorja e Maltës, Juliana Scerri Ferrante

Më: 27 maj 2022 Në ora: 12:32
Foto nga vendi i ngjarjes

Presidentja e Republikës së Kosovës, Vjosa Osmani, sot ka pranuar letrat kredenciale nga ambasadorja e Maltës në Kosovë, Juliana Scerri Ferrante.

Raportet ndërmjet të dy shteteve janë vlerësuar të mira që nga koha e vendosjes së marrëdhënieve diplomatike në vitin 2011.

Presidentja Osmani ka falënderuar shtetin e Maltës për ndihmën e deritashme, duke kërkuar që kjo mbështetje të vazhdojë edhe më tej në procesin e anëtarësimit të Kosovës në Këshillin e Evropës, BE, NATO, si dhe organizata të tjera ndërkombëtare.

“Vizat duhet të liberalizohen, nuk ka arsye për zvarritje të mëtejme. Është momenti i duhur që Kosova të bëhet pjesë e Këshillit të Evropës, sikurse që është domosdoshmëri që të anëtarësohet edhe në NATO për një stabilitet të rajonit”, ka theksuar Presidentja Osmani, teksa ka marrë konfirmimin e ambasadores Ferrante se Malta do të vazhdojë ta mbështesë Kosovën në të gjitha nismat për anëtarësim, sikurse që e ka mbështetur deri tashti.

Të dy bashkëbisedueset kanë shfaqur interesim për thellimin e raporteve në sferën e politikës së jashtme, shkëmbimit tregtar, arsim, turizëm dhe sfera të tjera të interesit të dyanshëm.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat