Zëvendësministri flet për sulmin fizik ndaj gruas

Aktuale

Zëvendësministri flet për sulmin fizik ndaj gruas

Më: 28 maj 2022 Në ora: 07:27
Dukagjin Pupovci

Zëvendësministri i Arsimit, Shkencës, Teknologjisë dhe Inovacionit, Dukagjin Pupovci, tha se janë prekur nga sulmi ndaj bashkëshortes së tij, profesoreshës Hatixhe Latifi – Pupovci, në vendin e punës.

Pupovci tha se këtë çështje ia kanë lënë drejtësisë.

“Bashkëshortja ime ka 35 vjet përvojë pune në arsimin e lartë, dhe me të vërtetë na ka prekur shumë ngjarja që ka ndodhur. Por sido që të jetë, të dy konsiderojmë se kjo tani është çështje e organeve të drejtësisë, të cilat duhet ta peshojnë në mënyrën më të mirë të mundshme”, tha ai.

Pupovci u shpreh se në përgjithësi duhet ta largohet mentaliteti se duhet ushtrohet presion mbi mësimdhënësit për notë.

Zëvendësministri i Arsimit nuk deshi të komentojë se nëse është adekuate masa prej një muaj paraburgim ndaj prindit që sulmoi bashkëshorten e tij në vendin e punës.

“Nuk kisha pasur dëshirë më komentua masat e Gjykatave”, tha Pupovci në Argument Plus.

Ndryshe, Hatixhe Latifi – Pupovci është profesoreshë në Fakultetin e Mjekësisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat