Politologu, Albinot Maloku ka thënë se Kosova nuk duhet të zbeh vullnetin e vet në rrugëtimin për liberalizim të vizave.
Maloku ka deklaruar se Kosova nuk duhet të zmbrapset nga synimi për liberalizim të vizave, pasi siç thotë ai është nevojë e qytetarëve të saj.
Sipas tij, fajet për mosliberalizim të vizave janë të dyanshme edhe të Kosovës dhe të BE-së.
“Kosova nuk duhet të zbehë vullnetin e vet në këtë rrugëtim për arsye se është nevojë e qytetarëve të saj. Në këtë rrafsh, kjo nuk duhet të zmbrapset nga ky synim. Në këtë rrafsh fajet janë të dyanshme. Në qoftëse ngelemi pjesë e fajeve të së kaluarës, unë besoj se do të kemi shumë probleme edhe në të ardhmen dhe BE-ja me ne do të ketë probleme. Probleme në kuptimin e mbajtjes së peshës së të kaluarës që kemi krijuar ne, apo të afateve të plotësimeve të kushteve”, tha ai.
