“Intimiteti dashuror i Vuçiqit ndaj Ramës”/ Profesori zbërthen ‘kodin’ e deklaratës tendencioze – paralajmëron shqiptarët e Kosovës

Aktuale

“Intimiteti dashuror i Vuçiqit ndaj Ramës”/ Profesori zbërthen ‘kodin’ e deklaratës tendencioze – paralajmëron shqiptarët e Kosovës

Nga: A.M Më: 25 qershor 2022 Në ora: 13:56
Edi Rama dhe Aleksandar Vuçiq

Profesori Sulejman Mehazi ka komentuar deklaratën e Ramës: "Më lejoni që ta kem vëlla edhe Vuçiqin".

Ai në një postimi në Facebook u shpreh se kjo deklaratë dëshom dy gjëra: Ose Rama punon për Serbinë, ose Vuçiqi për Shqipërinë.

“Mos ndoshta deklarata e Ramës e kishte qëllimin që të ju tregonte kosovarëve që të kenë kujdes edhe ndaj Vuçiqit, se përveç Kurtit kosovarët e kanë vëlla nga gjaku trashëgues prindor edhe Vuçiqin.

Mos ndoshta s'është e rastësishme ky intimitet dashuror i Vuçiqit ndaj Ramës e Ramës ndaj Vuçiqit”, deklaroi Mehazi, përcjell “Bota sot”.

Postimi i plotë

Ose Rama punon për Serbinë, ose Vuçiqi për Shqipërinë

Thënia më diskutabile e kryeministrit të Shqipërisë, Edi Ramës, para gazetarëve në Prishtinë ishte: "Më lejoni që ta kem vëlla edhe Vuçiqin", këto thënie të Ramës para mediave na detyrojnë të mendojmë, analizojmë e studiojmë, se, pse tha kështu, ku ishte qëllimi i tij e ç'deshi të thoshte Rama?, se thënia: "Më lejoni që ta kem vëlla edhe Vuçiqin" a ishte politike, filozofike, artistike, provokuese, vëllazërore apo dashurore ndaj Vuçiqit.

Mos ndoshta deklarata e Ramës e kishte qëllimin që të ju tregonte kosovarëve që të kenë kujdes edhe ndaj Vuçiqit, se përveç Kurtit kosovarët e kanë vëlla nga gjaku trashëgues prindor edhe Vuçiqin.

Mos ndoshta s'është e rastësishme ky intimitet dashuror i Vuçiqit ndaj Ramës e Ramës ndaj Vuçiqit.

Mos ndoshta presidenti i Serbisë, Aleksandar Vuçiqi, ia ka shprehur intimitetin dashuror prindor të trashëgimisë shqiptare-kosovare kryeministrit të Shqipërisë, Edi Ramës, dhe, kjo dashuri vëllazërore e dyfishtë e kombit dhe fesë ka shtuar dashurinë ndaj njëri-tjetrit.

Mos thënia e Ramës: "Më lejoni që ta kem vëlla edhe Vuçiqin" paralajmëron kosovarët që të jenë dashuror e të kujdesshëm edhe ndaj vëllait të tyre nga prindi i tij kosovar, Vuçiqit.

Shtojcë:

Kërkojmë ndjesë për shkrimin!, që nuk ka qëllim tjetër, pos të zbulohet kodi i thënies politike të kryeministrit të Shqipërisë, Edi Ramës: "Më lejoni që vëlla ta kem edhe Vuçiqin"!

@S.Mehazi

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat