Pozhari për avionin me defekt që u nis nga Prishtina për haxh: Harami plas dikund!

Aktuale

Pozhari për avionin me defekt që u nis nga Prishtina për haxh: Harami plas dikund!

Nga: A.ZH Më: 29 qershor 2022 Në ora: 12:51
Xhevdet Pozhari

Gazetari Xhevdet Pozhari, ka reaguar pas lajmit se avioni që ishte nisur sot nga Prishtina për në Haxh, ka pësuar defekt teknik.

Ai ka kritikuar myftiun Naim Tërnava, i cili ditë më parë ka arsyetuar çmimin e lartë për haxh.

“Kish pas dal Naim Tërnava dhe e arsyetojke çmimin e lartë për haxh. Thoshte se na jemi kujdesur që besimtarët të kenë kushtet ma të mira.

Aeroplani i kontraktuar me defekte teknike, i la besimtarët pa i çu në haxh.

Harami plas dikund. Besimtarët edhe mund t'i mashtroni, Zotin jo!”, ka shkruar Pozhari, në një postim në Facebook.

Bashkësia Islame e Kosovës, ka njoftuar sot se aeroplani me të cilin janë nisur grupi i dytë i besimtarëve për pelegrinazh në Mekë kanë mbetur në aeroportin “Adem Jashari” në Prishtinë, si shkak i një defekti teknik i mjetit transportues.

BIK-u ka kërkuar falje për vonesat e shkaktuara./Botasot

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat