“Një vend ka ç’njohur Kosovën”, Hoxha ka dy fjalë për Vuçiqin

Aktuale

“Një vend ka ç’njohur Kosovën”, Hoxha ka dy fjalë për Vuçiqin

Më: 29 qershor 2022 Në ora: 23:56
Eliza Hoxha

Deputetja e PDK-së, Eliza Hoxha, ka thënë në emisionin DPT te Fidani se ç’njohjet për Kosovën vijnë për shkak se nuk i kushtohet shumë rëndësi çështjet e jashtme dhe politika në Kosovë merret me çështje të brendshme.

Hoxha po ashtu tha se njerëzit që kanë kontribuar në çlirimin e pavarësinë e Kosovës, sulmohen në cdo mënyrë. Deklarata e saj vjen pasi Vuçiq tha se edhe një vend e ka çnjohur pavarësinë e Kosovës.

“Nuk i bëjmë punët tona. Ne më shumë jemi marrë me njëri tjetrin brenda që nga paslufta, politikisht ose jo, duke minimizuar rolin e secilit akter që ka kontribuar në çfarëdo mënyrë që ka kontribuar në çlirim dhe pavarësi”, tha ajo.

“Në Kosovë, shumë njerëz që kanë vdekur në luftë iu njihet kontributit, ndërsa të gjithë që kanë mbetur gjallë, janë potencial për t’u sulmuar. Andaj duke u marrë me këto çështje dhe jo me çështjet e jashtme, atëherë kemi edhe çnjohje”, shtoi Hoxha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat