Ambasadori amerikan vjen me deklaratë të fortë: Të mos flenë të qetë ata në Kosovë e rajon që janë të përfshirë në korrupsion

Aktuale

Ambasadori amerikan vjen me deklaratë të fortë: Të mos flenë të qetë ata në Kosovë e rajon që janë të përfshirë në korrupsion

Më: 30 qershor 2022 Në ora: 07:09
Ambasadori amerikan në Kosovë, Jeff Hovenier

Ambasadori amerikan në Kosovë, Jeff Hovenier, ka thënë se njerëzit në Kosovë e rajon, që janë të përshirë në aktivitete kriminale, nuk duhet të flenë të qetë, pasi mund të sanksionohen në çdo moment.

“Njerëzit në Kosovë ose në vendet e rajonit, që janë të përfshirë në aktivitete të organizuara kriminale ose korrupsion, nuk duhet të flenë të qetë dhe fare mirë mund të ketë sanksione të caktuara në një moment”, ka thënë Hovenier në Rubikon.

Ai tha se nuk i shohin paraprakisht vendimet për sanksione dhe se zakonisht i informojnë njerëzit për këto vendime në kohën kur i bëjnë publike ato.

“Ajo që dua të them është se presidenti i ka dhënë autoritet agjencive qeveritare të mbikëqyrin individët që plotësojnë kritere të caktuara potencialisht për t’u sanksionuar. Shumë punë po bëhet në lidhje me personat që janë të përfshirë në sulmin e pajustifikuar të Rusisë në Ukrainë dhe një numër i njerëzve po sanksionohen për rolin individual që kanë luajtur. Ka autoritete që adresojnë në veçanti krimin e organizuar transnacional dhe njerëzit e përfshirë në krimin e organizuar transnacional dhe korrupsion”, ka thënë ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat