“Ajo merr mëditje dhe nuk rri në seancë”, Blerta Deliu-Kodra i kundërpërgjigjet Sallahut

Aktuale

“Ajo merr mëditje dhe nuk rri në seancë”, Blerta Deliu-Kodra i kundërpërgjigjet Sallahut

Më: 1 korrik 2022 Në ora: 00:42
Blerta Deliu-Kodra

Deputetja e Partisë Demokratike të Kosovës (PDK), Blerta Deliu-Kodra e ka komentuar deklaratën e zëvendësministrit të Drejtësisë, Blerim Sallahu, i cili ditë më parë ka thënë se ajo hyn në Kuvend, teksa merr mëditje e nuk qëndron fare në seancë.

Për këtë çështje, ligjvënësja opozitare tha se refuzon të merret me sojin e tij.

Madje, Deliu-Kodra shtoi se për të është e dhimbshme që Sallahu është zv/ministër në Ministrinë e Drejtësisë.

“Refuzoj me çiftin e këtij zv/ministri me u marr, me seriozitetin më të madh po të them. Për mua është e dhimbshme që ky tipi është zv/ministër në Ministrinë e Drejtësisë. Refuzoj me komentu dikë që merret me tepsi e zejtin, e gjëra banale. Edhe sot është njeriu i dytë në sistem të drejtësisë. Hiç s’e kisha komentu”, u shpreh ajo.

Sallahu, teksa fliste për krerët e UÇK-së që po mbahen në Hagë, tha se po iu kërkohet nga opozita, posaçërisht nga deputetët e PDK-së, Mërgim Lushtaku e Blerta Deliu-Kodra që të kërkojnë falje ndaj ish-presidentit Hashim Thaçi dhe ish-kryeparlamentarit Kadri Veseli, për deklaratat e kamotshme ndaj tyre nga ana e ministres Albulena Haxhiu.

“Qekjo e fundit (Deliu-Kodra), nuk e kuptoj fortë mirë, sepse nuk e marr për seriozisht. Nuk e mbaj mend”, pati deklaruar Sallahu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat