Lëvizja Vetëvendosje (LVV), ka publikuar një video në faqen e saj të Facebook-ut, ku ka treguar se si po ndryshon gjendja aktuale në veri të vendit.
Në postimin e LVV-së thuhej se ndonëse shumëçka ka mundur të bëhet në këtë pjesë të Kosovës, asnjëherë nuk u bë asgjë.
Kjo pas, sipas partisë qeverisëse, sa herë që është përmendur Mitrovica, është menduar ndarja.
Gjatë videos u kritikuan edhe ish-udhëheqësit e shtetit për keqqeverisjen e tyre, ndërkohë që shteti serb vetëm se kishte filluar kolonizimin duke ndërtuar lagje të tëra si Lugina e Diellit.
“Po integrohet veriu na thoshin politikanët tanë që kishin filluar të investojnë në kriptovaluta, ndërkohë që Serbia po vazhdonte kolonizimin duke ndërtuar lagje të tëra si Lugina e Diellit. Po integrohet veriu na thoshin, gjersa ne ua paguanim qindra miliona euro energji elektrike që ata të hapin rrugë të reja të kontrabandës e t’i shtojnë pajisjet për kriptovaluta. 20 vjet zgjati kjo gjendje”, thuhet në videon e LVV-së, përcjell “Bota sot”.
"Ky është pra veriu që na e kanë lënë PDK, LDK, AAK: territor që atyre ju sjell të ardhura e Serbisë mundësi të reja kolonizimi”.
Postimi i plotë
Qysh po ndrron gjendja në veri?
Shumëçka ka qenë përherë e mundshme por nuk është bërë asnjëherë.
Kjo për shkak se gjithmonë kur është folur për Mitrovicën gjithnjë është folur për ndarjen ose ‘Zajednicën’
Dhe për shkak se bashkëpunëtorët e Listës Serbe dhe Radojiqiqit bashkë me Serbinë kanë përfituar nga mungesa e sundimit të ligjit në atë pjesë.
Tashmë, ndryshimi i gjendjes në veri është i qartë.
