Incidenti i Lushtakut me policët, Pozhari: Kjo nuk është asgjë, i rrezikshëm për Kosovën është...

Aktuale

Incidenti i Lushtakut me policët, Pozhari: Kjo nuk është asgjë, i rrezikshëm për Kosovën është...

Nga: A.ZH Më: 3 korrik 2022 Në ora: 09:55
Xhevdet Pozhari

Gazetari Xhevdet Pozhari, ka reaguar pas incidentit në Skenderaj, ku janë plagosur dy policë. I dyshuar për këtë plagosje është ish-nënkryetari i Komunës së Skenderajt Nuredin Lushtaku, me familjarët e tij.

Dyshohet se deri të plagosja erdhi pasi policia ia ka shqiptuar një gjobë trafiku, njërit prej familjarëve të Lushtakut.

Duke folur për rastin, Pozhari ka ironizuar duke thënë se ky incident nuk është asgjë, por “Albin Kurti është i rrezikshëm për Kosovën”, përcjell Bota sot.

“Nuredin Lushtaku me familjarë i dyshuar në plagosjen e dy policëve. Shkak një tiketë.

Kjo nuk është asgjë. Albin Kurti është i rrezikshëm për Kosovën!”, ka shkruar Pozhari në një postim në Facebook.

Policia ka bërë të ditur se dy persona janë arrestuar dhe dy të tjerë janë në kërkim./BS

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat