Policia jep detaje për plagosjen e dy policëve në Skenderaj: Gjithçka nisi pas shqiptimit të gjobës

Aktuale

Policia jep detaje për plagosjen e dy policëve në Skenderaj: Gjithçka nisi pas shqiptimit të gjobës

Më: 4 korrik 2022 Në ora: 12:09
Nuredin Lushtaku

Dy zyrtarë policorë janë plagosur gjatë orarit të punë në Skenderaj, dyshimet janë se shkak është bërë shqiptimi i një gjobe trafiku.

Rasti ka ndodhur të shtunën mbrëma, ku dyshohet se djali e vëllai i ish-nënkryetarit të Skenderajt, Nuredin Lushtakut, sulmuan zyrtarët policorë.

Njëri nga zyrtarët ka pësuar lëndime nga arma e zjarrit, ndërsa zyrtari tjetër nga një mjet i fortë. Viktimat janë dërguar për tretman mjekësor.

Bazuar në raportin 24 orësh të policisë për rastin janë arrestuar dy persona e dy të tjerë janë liruar.

“Lidhur me rastin janë intervistuar katër të dyshuar meshkuj kosovarë, pasi që të njëjtit pas shqiptimit të një gjobe për kundërvajtje në trafik kanë sulmuar dy zyrtarë policorë. Njëri nga zyrtarët ka pësuar lëndime nga arma e zjarrit, ndërsa zyrtari tjetër nga një mjet i fortë. Viktimat janë dërguar për tretman mjekësor. Në vendin e ngjarjes si dhe gjatë bastisjes nga njësitet policore janë konfiskuar dëshmi/provave materiale. Me vendim të prokurorit, dy të dyshuar janë dërguar në mbajtje, ndërsa dy të tjerët janë liruar”, thuhet në njoftimin e policisë.

Duhet theksuar se djali dhe vëllau i Nuredin Lushtakut janë dorëzuar mbrëmë në polici.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat