“Më në fund gjenerali e bëri një betejë” – Zogiani shpjegon ironinë me Lushtakun

Aktuale

“Më në fund gjenerali e bëri një betejë” – Zogiani shpjegon ironinë me Lushtakun

Më: 4 korrik 2022 Në ora: 21:08
Avni Zogiani

Opinionisti Avni Zogiani ka shpjeguar statusin e tij në Facebook lidhur me incidentin ku ishte i përfshirë Nuredin Lushtaku. Zogiani kishte shkruar se “gjenerali më në fund e bëri një betejë”, ndërsa e ka shpjeguar këtë status.

“Është pak si ironike kjo që e kam shkruajtur. Është për të ardhur keq që përsëriten incidente të tilla nga ata që është dashur të japin përkrahje për policinë e Kosovës”, tha Zogiani në emisionin Pressing.

Tutje ai tha se mendon që Policia e Kosovës është ndër më të mirat në rajon, por shtoi se ka eprorë të Policisë që merren me fajde.  

“Fillimisht dua të jap një mendim për Policinë e Kosovës. Ajo është në nivelet më të larta në rajon. Kjo shihet nga komunikimet e vazhdueshme edhe në teren. Është përshtypja ime edhe me vendet që kam vizituar. Është më e mira në rajon. Por problemet vijnë kur shkon më lart në rang. Ka pasur edhe eprorë të policisë që janë marrë me fajde”, thotë Zogiani.

Tutje ai e ka quajtur person pa integritet Lushtakun.

“Nëse flasim për këtë person, nuk është hera e parë që ka këso probleme. Ka pasur edhe akuzë të ndërlidhur me listat e veteranëve. Është shenjë e mungesës së integritetit”, tha Zogiani. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat