Rron Gjinovci: Është e tepërt që flamuri i UÇK-së të vendoset në konsullin e Kosovës në New York

Aktuale

Rron Gjinovci: Është e tepërt që flamuri i UÇK-së të vendoset në konsullin e Kosovës në New York

Më: 6 korrik 2022 Në ora: 19:48
Rron Gjinovci

Konsulli i Republikës së Kosovës në New York, Lulzim Krasniqi, ka bërë të ditur se Ministria e Punëve të Jashtme e ka shkarkuar atë nga pozita që mbante në Konsullatën e Përgjithshme të Republikës së Kosovës në New York.

Shkak për këtë duket të jetë kërkesa e Gërvallës për ta larguar flamurin e UÇK-së nga konsullata.

Këtë e tha Krasniqi në letrën e tij drejtuar ministres Gërvalla.

Mirëpo, sipas aktivistit Rron Gjinovci, është e tepërt që flamuri i UÇK-së të vendoset në konsullin e Kosovës në New York.

“Kqyrni me çka merret konsulli i Kosovës në New York, dmth merret ne flamura të UÇK-së”, ka shkruar Gjinovci.

Sipas tij, një gjë e tillë do të kishte logjikë nëse flamuri do të vendosej në Beograd, e jo në New York.

“E kisha kuptu konsullin e Kosovës në Beograd me qitë flamurin e UÇK-së, po në New York pse, kujna?”, pyet Gjinovci, që sipas tij vetëm flamuri i Kosovës duhet të jetë prezent në ambasadat e Kosovës.

“Veç ni flamur duhet me pasë konsullatat e amabasadat e Kosovës, veç flamurin tonë shtetnor. Kosova është projekti i përbashkët i krejt neve, i krejt partive, i krejt iniciativave ushtarake a politike që prej 1912 e tutje. Kosova është arritja jonë ma e madhe”, ka përfunduar ai.

Postimi i plotë:

1. Kqyrni me çka merret konsulli i Kosovës në New York, dmth merret me flamura të UÇK-së

E kisha kuptu konsullin e Kosovës në Beograd me qitë flamurin e UÇK-së, po në New York pse, kujna?

2. Kanë çu në vendet aleate si konsuj e amabasadorë njerëz provincialë e pa përgatitje. Nuk e dijnë sa ofenduse osht për ni ven me i çu ambasador mediokër e provincial. Osht mungesë e thellë e respektit për venin ku e çon anipse ti je ka ja bon ni të mirë militantit a kusherinit.

3. Veç ni flamur duhet me pas konsullatat e amabasadat e Kosovës, veç flamurin tonë shtetnor

Kosova është projekti i përbashkët i krejt neve, i krejt partive, i krejt iniciativave ushtarake a politike që prej 1912 e tutje. Kosova është arritja jonë ma e madhe.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat